Magaalada Jowhar ee Xarunta Maamulka Hirshabelle waxaa gaaray wafdi ka socda Hay’addaha gargaarka si ay indha indheyn ugu sameeyaan xaaladda bini’aadannimo ee ka jirta Gobolka Sh.Dhexe.

Wafdigan ayaa booqasho ku kala duwan ku tegay xeryaha barakacayaasha, iyagoona halkaasi kulamo kula qaatay Shacab dhowaan ka soo barakacay degaanadooda kadib markii halkaasi uu ka billowday howlgallo ka dhan ah Al Shabaab.